李璨琛老婆係時裝設計師,將歲半嘅元元打扮到好新潮,超得意!
李璨琛老婆係時裝設計師,將歲半嘅元元打扮到好新潮,超得意!

去年屋企多咗個happy baby嘅李璨琛好幸福外,儲落近10萬粉絲嘅網紅B女元元亦帶畀好多人歡樂。近日,人夫首先監製賀歲電影,同金像影后曾美慧孜、泰沛等於泰國開工,李太就主力湊女啦!日前傍晚,高瘦李太約咗女友人帶網紅B女行銅鑼灣利園。媽咪掛住揀衫仔時,肉丸妹好開心咁拎住兩個汽球喺商場放電,打扮可愛嘅元元不停笑笑笑,真係冧死人!   採訪 : 梁志明

睇見元元熱情向B女送上汽球,李太笑得好甜。
睇見元元熱情向B女送上汽球,李太笑得好甜。
呢個造型勁cute嘅元元,抵死錫汽球、又興奮玩波波。
呢個造型勁cute嘅元元,抵死錫汽球、又興奮玩波波。

多得李璨琛(Sam)同佢愛妻梁志瑩養肥可愛B女,囡囡元元人如其名圓碌碌,cute到爆炸。日前傍晚6時,阿Sam要趕拍新戲,歲半B女元元又無時停,李太就湊萬人迷B女出街放吓電。當日,人妻約咗女友人一齊行利園童裝樓層。當李太睇緊高級童裝時,托友人幫手睇住肉丸妹。着上連身長裙嘅齊蔭元元打扮加晒分,可愛B女兩手拎住汽球猛fing,玩到瞇晒眼仔,勁興奮。其間有途人夫婦嘅B女,無論年齡、外貌都同元元激似,遂停低讓兩個萌爆B女一齊玩。做慣寫真小天后嘅肉丸元元唔怕生保,向B女大方送上手上汽球,兩B玩咗一輪,再影番張twins合照才say bye走人。

元元拒死,個樣cool得嚟好盞鬼!
元元拒死,個樣cool得嚟好盞鬼!
有紫菜食,元元馬上變乖,仲肯食幾啖麵。
有紫菜食,元元馬上變乖,仲肯食幾啖麵。

玩波開心猛笑
逗留一小時,李太買咗兩件衫仔後就拖寶貝女去附近一間台灣菜館食飯。見人妻向愛女細心餵麵,惜元元扭計擰頭唔肯食。媽咪唯有出絕招,拎出私伙紫菜,再剪碎畀阿女慢慢嗒。食飽飽,三女步出門口,女友人抱住放晒電想瞓覺豬嘅元元,李太就截的士,然後齊齊回家。

玩咗兩個鐘,元元放晒電扭抱想瞓。
玩咗兩個鐘,元元放晒電扭抱想瞓。