鄭秀文化身小Fans,與莫文蔚手拖手唱歌,又扮行catwalk。ig
鄭秀文化身小Fans,與莫文蔚手拖手唱歌,又扮行catwalk。ig

昨晚鄭秀文(Sammi)的演唱已踏入第11場,一如其他場一樣,Sammi用盡心思邀請不同嘉賓,噚晚Sammi就邀請左好朋友莫文蔚(Karen)擔任表演嘉賓,鄭秀文化身小Fans,兩人手拖手唱歌,又扮行catwalk。

Sammi係台上介紹莫文蔚出場說:「今晚嘉賓係個人my favorite,我長年累月都有佢嘅歌跟身,成日都會聽佢嘅歌,雖然佢比較少喺香港同大家表演,所以今次能夠邀請到自己好鍾意嘅女歌手同台,我真係好開心。」

Karen出場唱畢《忽然之間》後說::「我哋從未同台做過任何嘢,我都唱咗26年,我等你呢個電話等咗幾耐?」Sammi笑說:「由水壼(電話)年代等到依家。」又說:「你係我自己All time favorite,我真係好鍾意聽你唱歌,你接受我邀請,我真係好開心。不過我睇報導得知你好快唱開埋最後一次演唱會,就唔再做pop music嘅concert。」

Karen坦言:「係,我同自己講要喺最好嘅時候,將最好嘅自己畀咗大家,然後要做下一樣嘢。(即係咩?)Musical。」Sammi感嘆明年2月可能是Karen最後一場演唱會,揚言要去捧場。Karen邀請Sammi一齊演音樂劇,說:「其實你適合做Musical,識得演戲、唱歌、跳舞,唱live仲要唱得咁好,真係冇乜邊個。」之後Sammi落台換衫,Karen獨唱《如果沒有你》,全場觀眾大合唱,非常震撼。

昨晚台下捧場朋友還有鄭少秋、蔡一傑、蘇麗珊、西瓜、抗癌女歌手李明蔚、高浩正夫婦等。

鄭秀文化身小Fans,兩人手拖手唱歌。ig
鄭秀文化身小Fans,兩人手拖手唱歌。ig