Jay新歌比喻愛要及時。
Jay新歌比喻愛要及時。

唱作人馮允謙(Jay Fung)新歌《山旮旯》,承接上一首作品《聲音導航》以旅遊比喻人生,MV導演亦「連戲」繼續由RubberBand的6號執筒,飾演旅行社老闆的Jay,今次有一位伯伯找上門,伯伯為履行與已離世伴侶的承諾,決定一人遊不丹,比喻愛要及時。

竹升仔Jay坦言最初聽到歌名《山旮旯》時搲爆頭,笑說:「太嘺口啦,我讀咗好多次先至啱,不過當我明白呢個歌名係比喻一個遙遠的理想,甚至未必得到其他人認同嘅夢想,唔可以因為困難就諸多藉口去放棄。」就好似「山旮旯」一樣好刁轉,不過夢想成真的時候的確令人震奮。
在MV裏幫助伯伯履行亡妻的旅行夢,Jay說:「有時候夢想就好似想去一個地方就即刻行動,唔好等機會錯過,甚至乎嗰個地方唔再存在嘅時候嚟後悔。」原來不丹就是Jay心目中的山旮旯旅行計劃目的地。他說:「我希望完成今年出唱片嘅project之後,明年可以去不丹旅行,帶埋《山旮旯》去歌詞提到嘅不丹,一個曾經被譽為全世界最快樂嘅國家,我想去感受一下,仲希望喺當地創作新歌添!」