「姜糖」越洋安排美食應援車

（星島日報報道）男團MIRROR成員姜濤離港到台灣拍攝電視劇《超感應學院》已近一個月，姜濤需要留台足足半年，令到一眾粉絲「姜糖」叫苦連天。能稱得上「姜糖」的通通都是狂迷，但卻非常可愛仲滿有創意。姜濤昨日越洋收到由「keungshowhkfanclub」籌備驚喜，一口氣安排了三部應援車為偶像及劇組打氣。姜濤非常之驚喜，更表示非常掛念香港的「姜糖」。

男團MIRROR的粉絲出名熱情、創意無限，每次偶像出歌、生日，都會掏錢眾籌買戶外廣告版、港鐵、巴士站廣告牌外，又會自製抗疫宣傳品送電台DJ、派宣傳卡為偶像造勢。不過要數到最狂Mirror粉絲，一定是姜濤的一眾粉絲「姜糖」。

姜濤已離開香港已有個多月，現身於台灣拍攝電視劇《超感應學院》。昨日「keungshowhkfanclub」就安排了三部應援車為偶像打氣，而劇組眾演員及工作人員都受惠。姜濤第一眼看到三部應援車掛有自己樣貌banner、人型紙牌，亦非常之驚喜：「真係無諗大家會用這個形式，好多謝姜糖們！之前疫情關係，會見少咗fans，但都係同一地方。今次去到台灣分隔兩地，真係好唔同，真係好掛住大家，好想快啲拍完返嚟，自己亦會努力，今次套劇唔會令大家失望。」

姜濤更逐一參觀應援車，當中一輛是有齊台灣手沖茶、珍珠奶茶的飲品車，一輛是姜濤最愛即整漢堡包餐車，另一輛是供應劇組午餐包括有意粉的餐車。至於台灣及劇組生活，姜濤說：「台灣生活節奏較香港慢，好適合自己，拍劇節奏則較香港輕鬆，劇組又好熱情照顧，我每日都好開心。」

另外，前晚姜濤在社交網做music live直播，當時他雖已換上家居服，卻不忘戴上cap帽和口罩，被同往拍劇的MIRROR隊友邱士縉（Stanley）取笑他有偶像包袱。