馬明又放閃 chok相引靚湯

（星島日報報道）馬國明跟湯洛雯公開認愛後，愈愛愈愛高調。馬明昨日於社交網分享一張勁chok的照片然後留言：「有冇掛住我……」女友靚湯留言並用3個「心心眼」表情圖案作回應。靚湯留言下引發小騷動，網民留言：「你兩公婆好好笑」、「Mrs Ma做得好！」及「天生一對」等，不過都有網民嫌棄靚湯又用「心心眼」留言，圈中人亦看不過眼加入戰團，高海寧留言：「掛住靚湯多啲」。

至於無線一眾小鮮肉，包括吳業坤、余德丞、黃庭鋒及丁子朗等，接受由伍詠薇及林盛斌主持的訪談節目《TIGER'S TALK》訪問時，丁子朗自爆入行前已經覺得靚湯好靚，至今都是他心目中的女神。伍姑娘問到可有對馬明懷恨在心？他說：「唔會，可遠觀而不可褻玩！」坤哥轉數快仲即時抽水，他笑說：「咁你即係話馬國明褻玩靚湯？」坤哥即時被伍姑娘拍打及責罵。