高Ling目睹「老公出軌」 歎好大打擊

(星島日報報道)無線劇集《迷網》昨日舉行宣傳活動，高海寧（高Ling）、楊明、陳曉華、朱敏瀚及黃祥興都有出席。高Ling劇中角色遭遇相當悲慘，她笑指拍劇經歷其他人生已足夠，現實生活還是不要發生較好。

高Ling主演的三套劇集連續播出，她透露因宣傳關係，近日花費兩萬元置裝。談到可有幫補？她笑說：「無啊！快啲搵我做嘢啦！」楊明得意地表示，監製早已下令穿著戲服出席宣傳活動，因此沒有置裝的煩惱。

談到一連三劇播出，可怕觀眾生厭？高Ling表示：「應該唔會嘅，因為三套劇集人物性格都好唔同。其實我都有年半無劇出街，大家都少見我啦！」談到家人可有生厭，她笑說：「因為我搬咗出去住，媽咪o依家一開電視就見到我，都唔錯，不過無話睇到厭。」

日前劇情講述高Ling親眼目睹老公黃祥興出軌。高Ling認為對女士來說是很大打擊，楊明笑說：「對個老公嚟講，俾老婆見到同第二個女人一齊，都係好大打擊。」談到現實可有同樣經歷？高Ling笑謂：「從劇集經歷唔同人生就可以啦，現實生活唔好喇！」

至於陳曉華就透露有追看自己首部參演的劇集，亦有留意網民的評價，當然有好又有壞。問到對哪個負評最為深刻？她笑說：「話我講嘢好快，咁啱o依家拍緊劇，都有刻意糾正咬字同唔好講咁快，幕後人員都話我有進步。」