祥仔認老 打戲留畀後生仔

（星島日報報道）前晚一眾藝人現身電視城，為今晚舉行的《萬眾同心公益金》進行綵排。席間，先後趕拍兩部動作劇集的黎耀祥和海俊傑都捱得頗辛苦，二人不禁大呻當演員的辛酸！

黎耀祥、海俊傑、曹永廉及韋綺姍將於《萬眾同心公益金》大唱經典歌，前晚4人進行採排。問祥仔跟唱家班合唱可有壓力？祥仔說：「有啊！開頭我打算唔唱，後來知道唱經典歌，咁我登台都有唱過，放心好多。」

此外，劇集《殺手》即將播出，祥仔在劇中打戲甚多，又操練出一身肌肉。問到是否同樣期待？他說：「期待啊！劇中識打的演員都打過晒，套劇夏天拍到冬天。仲記得彎低腰綁鞋帶，汗水好似開水喉咁滴落地。」

海俊傑最近則趕拍新劇《陀槍師姐2020》，拍攝打戲時多處受傷，最近更不慎被打爆左眼角。兩人入行多年，都明白拍攝打戲都會有擦傷及瘀傷，祥仔笑說：「但係我諗極都唔明，點解要我們這種年紀的演員去做！這些不是後生的專利嗎？我們做教練咪得囉！」

另外，何依婷、孫慧雪就會聯同《機場特警》眾演員，在節目中表演打中國鼓。何依婷已離開兒童節目轉型至拍劇，她認為以新人來說是小畢業。談到有報道指她駕名車忽然富貴，她笑說：「根本就無富貴過，車價係貴，但係二手車有7年車齡。」她提到早前被偷拍，初時感到害怕又徬徨，即時找經理人求救。她笑說：「之後想通了，又覺得無所謂。（以後要化妝出街？）素顏都唔怕，因為未必認到我，仲安全！」

另外，節目《姊妹淘》再次翻生，孫慧雪透露將於6月中開工，暫知道有新主持加入。因疫情關係，孫慧雪不時於社文網分享廚藝。她透露監製有見及此，新一輯會安排她負責新環節，她說：「我在節目中會教大家整打卡甜品，同事已經畀咗好多食譜我鑽研。」