張繼聰望新組合早日收檔

(星島日報報道)張繼聰、白只跟朱柏康昨日以全新組合「輕勾」為商台節目擔任嘉賓。張繼聰提到「輕勾」鐵定為期間限定，疫情過去會即時解散。他笑說：「所以我哋都好希望快啲收檔。」阿聰提到組成目的，是希望疫情下為觀眾帶來歡樂。談到疫情過後，若觀眾不希望他們解散又如何？朱栢康笑說：「只可以網上重溫！但又唔好講到咁死，到時再睇大家有無期囉！」

張繼聰提到為增加跟觀眾互動，本周五直播會加插課金環節。他說：「金額係5蚊、10蚊啫，觀眾可透過課金，表達對我哋嘅愛恨。之後有可能即場玩反應彈，而今個禮拜場面都係澎湃嘅。」問到可害怕另一半靠害，課金懲罰他們？他笑說：「絕對驚！因為可能200蚊已經可以玩死我哋！」阿聰強調課金環節是跟觀眾互動，課金總額扣除成本會捐出作慈善用途。