難忘寶麗金回憶 譚詠麟憶嘉利大廈大火

(星島日報報道)今年是寶麗金50周年，昨日以網上發布形式舉辦了「寶麗金50周年半世紀的新世紀記者會」，因疫情關係出席歌手譚詠麟、鍾鎮濤、雷安娜、露雲娜和湯寶如只於線上露面。記者會上播放寶麗金50誌慶串燒舞曲《Stars on PolyGram 50》MV片段，並同時公布會推出情歌組曲：《寶麗金50：半世紀之歌》，這兩首歌將會收錄在稍後推出的紀念彩膠唱片內，而且在11月更會舉行Polygram 50音樂會。

談到難忘事，譚詠麟表示當年寶麗金Studio外的椅子最出名，當疲倦時好多人用來休息，還有人話會被鬼壓，仲會愈壓愈紅，自己也試過。阿B笑言好多歌手會到嘉利大廈錄音室錄歌，錄音室有塊牆用石頭砌出來，歌手唱不到就撼頭埋牆。譚詠麟笑指陳百祥撼得最多，但當日發生嘉利大廈發生大火，自己也救不少人。他說：「我諗番都救了寶麗金Studio兩層樓的人，當時阿叻唱唔到，我話不如聽日先錄！離開時將閉路電視鏡頭轉向電梯口時，竟睇到啲煙升上來，他們才知道要疏散。」對於跟歌迷政見不同，問到可會擔心影響寶麗金推出唱片的銷量？他說：「我們尊重每一位朋友，他們有他們的決定、睇法、觀點，只不過有些人不尊重我們。」問到可想在音樂會跟歌迷修補關係？譚詠麟說：「我們當然希望他們是我們歌迷，唔可以話我哋想點就點？呢樣最好唔好拉上政治，但香港係需要法治。」談到早前跟警務處處長鄧炳強出席飯局，他解釋每星期踢波後也會吃飯，當日對方特登前來答謝他們。

此外，提到關淑怡在社交網站發文指退出娛樂圈，問到可會想邀請她參與音樂會？他說：「如果她心態肯來最好，她是不可多得的歌手，不過可能有些心結、諗唔通。（成日跟她傾？）以前久不久。（近期開解佢未？）叫志偉啦！（你係寶麗金一哥）要做要幫已做晒，佢自己心裏面的想法，要佢自己想通。」