釗峰新歌反抗「港女老婆」臭脾氣

(星島日報報道)梁釗峰（釗峰）新歌《佚名》描述小男人難忍「港女」老婆壞脾氣，要起來反抗，MV找來懷孕五個多月真孕婦飾演老婆角色，釗鋒難掩暖男本色，對「老婆」關懷備至，惡不出來。他解釋在MV做「下靶」老公，但孕婦對飲食、空氣、環境較敏感，加上疫情，所以他和同事會不時問這位大肚女演員感覺如何，等埋位都叫她坐低，怕人多擠逼令她不適。

釗峰又對自己的假婚照搖頭歎息：「我冇幻想過自己將來結婚會點樣，不過一定希望唔會係咁樣，你睇張結婚相，我完全木無表情，一睇就知唔想結婚。」提到每個MV均離不開「牀戲」，釗峰解釋叫大家別誤會，可能自己睡覺樣有趣所以得導演喜歡，但今次牀戲兩個人拍，更有動作場面令他碌落牀。