祖兒義助霆鋒令觀眾High爆

(星島日報報道)由謝霆鋒主理的「美獅鋒味搖滾美食節」前晚繼續舉行，邀得樂壇天后容祖兒與羅力威助陣。當祖兒出場前，霆鋒突然衝上台，原來他想親自介紹祖兒出場，此舉令全場High爆。

當祖兒跳唱《隆重登場》期間，台下觀眾大叫：「你好靚呀！」祖兒即大笑道：「我好靚呀？吹到成個癲婆咁都話靚呀？不過我幾鍾意呢個戶外嘅氣氛。」最後她以金曲《痛愛》作結，吸引全場大合唱。

其後，以廚師服登場的霆鋒大唱《玉蝴蝶》及《潛龍勿用》等金曲，更大晒多國語言跟觀眾打招呼，並專誠準備了一首17年沒唱過的歌曲《281公里》，炒熱氣氛！唱完最後一首《活着VIVA》後，觀眾喪嗌Encore，霆鋒亦順應要求唱出《謝謝你的愛1999》，相當大方！