許靖韻為處女騷努力減肥

(星島日報報道)許靖韻（Angela）昨日到電台宣傳下月於旺角麥花臣場館舉行的演唱會《My 25 Live》。她坦言入行多年，經歷特別多，希望在演唱會中分享以作紀念。

Angela又透露正努力減肥，希望再減10磅，可以穿更靚更性感服裝在舞台上演出。

談到前晚元朗發生暴力事件，Angela說：「感到很不開心，自己有看直播，見到便想喊，見到一些無辜市民受傷，希望他們快些好番，看片還見到有人受傷，很不舒服，前晚睇到直播有些也不夠膽看，見到大肚婆都受傷很心痛。」

此外，Angela早前接受《StarTalk》專訪，大談首次於香港舉行售票演唱會的感受，她說：「好希望媽咪能夠見證，因為兩年前我以『小背心』名義開過一個迷你音樂會，但臨開騷前一星期，媽咪發生意外膝頭碎咗，開騷當日佢要入院做手術，所以無辦法睇我音樂會。由於佢一直都好支持我唱歌，係佢叫我參加《新秀》，另外又有段時間我想放棄唱歌，媽咪一路叫我加油，從來都無話我唔得，亦認同我唱歌好聽，想我繼續唱，所以特別要多謝屋企人支持自己。」

Angela去年參加多個內地真人騷而人氣急升，她坦言：「以前會覺得跳舞好辛苦，好唔鍾意，甚至好驚跳舞，參加咗《創造101》好似克服咗，仲愈嚟愈鍾意跳舞。」問到現時的目標？她謂：「覺得填詞好難，自己嘅文筆又唔好，依家睇多咗書去增值自己，希望不久將來可以曲詞編監一手包辦。」