梁詠琪擔心華哥 羅仲謙愕然

（星島日報報道）對於任達華在內地出席活動時遇襲受傷，須在當地到醫院進行手術治療。連日來正與任達華為新片《小Q》進行宣傳的梁詠琪（Gigi）和羅仲謙也感到十分擔心和心痛。Gigi說：「其實昨日（前日）同華哥一起在北京參與電影宣傳到下午，佢就暫離隊一晚做活動，本來今（昨）晚就歸隊，啱啱睇新聞見到，實在感到震驚和很擔心，希望華哥傷勢並不嚴重，早日康復。」

羅仲謙坦言：「知道消息，好愕然同埋心痛，希望華哥盡快康復! 我成日都到內地工作，不太擔心安全問題，但都會再加強自我保護意識，《小Q》宣傳工作暫時如常進行，希望華哥盡快康復。」

香港演藝人協會會長古天樂回應：「有聯絡霍汶希（Mani），Mani話楊生都有派人處理中，知道華哥做咗治療，情況OK嘅！我哋會跟進住事件，佢哋有乜需要會盡量幫助。」

劉嘉玲：好震驚！唔知發生咩事？希望佢冇咩大礙，早日康復！

沈慧林亦對於華哥遇襲後感到驚訝，因他與華哥的太太琦琦一直有合作，問到會否因此延遲合作事宜？沈慧林表示要尊重琦琦，待華哥康復後再定。