參考資料

【文化常識】喺公司獲得高層寵信或者同某啲高層有血緣關係嘅職員，我哋會叫佢哋做「黃馬褂」；古裝劇亦經常將「黃馬褂」營造到好似「免死金牌」一樣，但事實又係咪咁呢？其實「馬褂」係清朝一種官服，清朝官制服分為「朝服」、「常服」、「行服」和「雨服」等，而「馬褂」就屬於「行服」，亦即係外出時穿着嘅衣裝，設計上方便騎馬射箭；而馬褂嘅顏色就同官階有關，黃色係皇帝專用色，一般只係近身侍衛、獲皇帝特別賞賜者先可以着「黃馬褂」，可見獲得「黃馬褂」就代表得到皇帝嘅寵信，係個人榮耀嘅象徵！ 古時主要有3種情況可獲賜「黃馬褂」，一係出於職務需要嘅「行職褂子」，係大臣或御前侍衛喺皇帝出行時都必須着上嘅「黃馬褂」，如非同皇帝同行時穿着，可被治罪！第二種係「行圍褂子」，呢款「黃馬褂」係皇帝狩獵時賞賜嘅，如果圍獵時表現出色，又或向皇帝獻獵物，都可獲賞賜「黃馬褂」，但此褂亦只限同皇帝狩獵時穿上，否則亦可被治罪！至於最後一種「武功褂子」就最接近我哋而家所認知嘅「黃馬褂」，係因為軍功或特別貢獻而獲得嘅「黃馬褂」，可於任何隆重場合穿着，意義非凡！

更多「星島第二屆全港華文雙語菁英問答比賽」資訊：

https://std.stheadline.com/chinesequiz/

------------------------------------------

緊貼「星島華文雙語菁英問答比賽」最新消息，立即讚好及追蹤：

Facebook: bit.ly/st_chiquiz_fb

Instagram: bit.ly/st_chiquiz_ig

#星島第二屆華文雙語菁英問答比賽 #文化常識 #黃馬褂 #中國語文 #中文比賽 #語文教育及研究常務委員會