千嬅就是被這全場星海搞喊。
千嬅就是被這全場星海搞喊。

楊千嬅於日前在珠海舉行世界巡迴演唱會第二站演出兩度落淚,在Encore時全場2.5萬觀眾開著手機的點點燈光,照耀整個場館變成萬千星海,場面美麗又壯觀,對於觀眾的熱情打氣千嬅既開心又感動,令她鼻子一酸喊得雙眼通紅!她在台上說:「多謝你哋!好靚呀,我第一次喺自己個舞台度得到好多小星星,都唔算太遲!」有觀眾大叫:「終於等到你嚟到珠海呀!」千嬅哭著說:「我咁樣好難搞喎,有冇人可以畀張紙巾我呀(抹眼淚)。」千嬅又用國語多謝大家支持,說:「上次喺廣州做真係好驚,因為我第一次做室外演唱,仲要咁多人,喺某個情況上我個膽好大,心口仲掛有個勇字,其實我好脆弱,你哋唔信呀?咁我係咪要 繼續唱呀?定要繼續喊呀?咁我成晚喊好過唱係咪呀?」
雖然巡演只是第二場,但千嬅笑言已經有捨不得感覺,所以她開心之餘卻感動得有眼淚!她在台上說:「我突然好感動呀,點算呀依家?雖然係第2場,點解好似好唔捨得咁,呢件事對我嚟講好變態,但係我好開心,開心得嚟又有眼淚,係咪因為年紀大咗呢?」
珠海演出的場館是在戶外體育場舉行,由於當日有雷暴警告,滂沱大雨,所以令千嬅擔心不已,幸而到正式開Show前10分鐘天公造美突然停雨。千嬅坦言最擔心是冒雨唱歌會有觸電危險,因為以前她試過被咪高峰電到手;她又擔心台下觀眾要淋濕身睇Show,所以當她得悉停雨後,在後台禁不住開心大聲叫起來。今次專程拉隊到珠海捧場的「春嬌與志明」好姊妹有谷祖琳、林兆霞及陳逸寧等。另外還有段小插曲,有一對來捧場的情侶求婚,男朋友更跪在地上送戒指求婚成功,千嬅表示可惜她事後才知,她笑言希望在巡演的每一站也有喜訊公布,好讓她見證有情人終成眷屬的開心事!