吳若希以「不浪漫」為題發表感受。吳若希ig
吳若希以「不浪漫」為題發表感受。吳若希ig

吳若希(Jinny)近日進行「30 days 婚變challenge」,每日大讚老公何兆鴻(Alex)一個優點。轉眼挑戰已踏入第18日,Jinny就以「不浪漫」為題發表感受:「這幾年和他經歷了拍拖到結婚~身份變了,但有啲嘢係不變嘅~例如︰『情人節,我們點樣慶祝?』『…』(停頓數十秒~~~)『我今年生日,我們點樣慶祝?』『…』(又係停頓數十秒~~~)『我們拍拖/結婚周年紀念,我們如何慶祝?』『…』(都係停頓數十秒!~~~)Oh Well~十次有八次,我們都係留在家睇電視『慶祝』,如果出去睇場戲,已經係bonus了!」

她指,缺乏情趣或者不夠浪漫,「對未婚嘅男人嚟講隨時可以係一條好大的罪名(王傑:為何不浪漫亦是罪名)。但係結咗婚,沒有情趣和不浪漫卻反過來變成了一個男人的優點~~~ 最少呢個男人在外面拼搏時,唔使擔心他會口花花撩女仔,又或者會好容易抵受唔住誘惑~還好我們都享受這種平凡的浪漫!」