阿田笑言跟坤哥沒緣份,對方兩次紅館騷都沒機會當嘉賓。
阿田笑言跟坤哥沒緣份,對方兩次紅館騷都沒機會當嘉賓。

田蕊妮新劇《她。她。她的少女時代》已煞科,得以全程投入新碟宣傳工作。她到電台受訪透露新碟《Saturnian》銷量不錯,說:「之後新派台歌係《最親》,內容係講媽媽,首歌錄得我最多時間,聽落好輕鬆,但歌詞好感動,知道有好多人最鍾意呢首歌,話聽完會眼濕濕,之後會拍MV。」

談到有意加推「阿田蜜蜜送」名額及舉行簽名會,阿田透露會跟公司開會研究並落實。阿田自爆自掏腰包購入20隻送碟給好友,結果竟然是沒有人領情。她笑說:「每一個都要畀返錢我啊!李佳芯話要10隻,最初以為佢講笑,點知佢不停催我攞碟,我話不如送隻畀佢,因為我唔知點收錢,點知佢又真係要10隻。曹永廉都買咗一隻。」

對同公司歌手孫耀威跨界做網紅,直播兩小時收入逾百萬,阿田直言驚訝,笑說:「恭喜晒佢!8號會見到佢,我準備一幢碟收錢先!(考慮開Live搵真銀?)都好,不過要搵人壯膽,搵吳業坤佢彈琴我唱歌。」她笑言為避開做坤哥紅館個唱嘉賓,屆時會離開香港,說:「其實係要去加拿大做嘢,覺得同佢都係無緣份,兩次開騷都無機會。不過知佢搵Mirror做嘉賓,我就想推加拿大單Job,但推唔到!」(攝影:駱震寧)