丁子高為千嬅預祝生日。丁子高ig圖片
丁子高為千嬅預祝生日。丁子高ig圖片

楊千嬅與老公丁子高一向好恩愛,今日是千嬅的45歲生日,丁子高昨日已經提早為老婆預祝生日,仲留言話「人生最大嘅成就之一就係可以令到身邊嘅人一輩子都笑得咁開心」,認真甜蜜!

丁子高在社交網站上載老婆的慶生照片,從照片中可見,生日會有不少氣球佈置,有寫上千嬅英文名Miriam的大氣球裝飾,枱面上更有5個生日蛋糕。他留言:「人生最大嘅成就之一就係可以令到身邊嘅人一輩子都笑得咁開心,更hashtag#雖然有少少肉麻 #不過真係好想講 #老婆生日快樂」從照片中可見,囝囝Torres都有現身為千嬅慶生,相信千嬅一定覺得好窩心。

一斑公司同事亦有出席生日會,原來丁子高將生日會和公司團年飯安排在一起,與其他水瓶座的工作人員一同慶祝。

網民就留言大讚丁子高是暖男,「丁生真系好sweet」,有不少網民就祝千嬅生日快樂,更有人笑說兩人好甜蜜,「閃嘅嘢會嫌放得多㗎咩?」

丁子高為千嬅預祝生日。丁子高ig圖片
丁子高為千嬅預祝生日。丁子高ig圖片
千嬅笑得好甜。丁子高ig圖片
千嬅笑得好甜。丁子高ig圖片

一大班同事為千嬅慶生。丁子高ig圖片
一大班同事為千嬅慶生。丁子高ig圖片
囝囝Torres都有出席。丁子高ig圖片
囝囝Torres都有出席。丁子高ig圖片