野蠻客人打翻飲料後,要求店員再製作一杯飲料,但態度惡劣,店員拒絕再製作一杯。fb專頁「西客之道 HIspitality Secret」截圖/網圖
野蠻客人打翻飲料後,要求店員再製作一杯飲料,但態度惡劣,店員拒絕再製作一杯。fb專頁「西客之道 HIspitality Secret」截圖/網圖

如果顧客打翻飲料,店員通常都會再為客人製作另一杯,但若遇到態度惡劣的顧客,有任職飲料店店員就堅決拒絕重新做一杯,但遭顧客掟飲管!

有任職飲料店店員投稿到facebook專頁「西客之道 HIspitality Secret」,他指有野蠻客人打翻飲料後,要求店員再製作一杯飲料,但態度惡劣,店員拒絕再製作一杯,竟遭野蠻客用飲管掟,更被斥責「你咩態度啊」!

投稿人一開始就表示非常後悔事件發生時,自己沒有反駁該名野蠻客人。他指如果客人不小心打翻飲料,店員通常都會再製作一杯給客人,但會取決於客人的態度,「但有啲客係奉旨要你出翻比佢,因為佢俾咗錢,點都要拎翻啲野走。」他續指,有一對夫婦購買奶蓋奶茶,通常奶蓋飲品的蓋子都不會密封,所以店員的同事已經著客人小心。

他指同事接著繼續回去工作,其後發現有人打翻了飲料,但客人卻沒有主動告訴店員,亦沒有向店員說抱歉,「但佢係整瀉咗之後冇出過聲,唔好意思又冇,又唔同我哋講佢倒瀉咗」。同事就上前抹乾淨,但男客人竟然在笑,於是投搞任就「啤住佢」,男客人才笑著說不好意思,讓他們重新再製作一杯飲料,遭店員拒絕,男客人竟發怒,「佢就發難渣,話咩點解冇,仲話佢係喺我哋個到倒瀉,唔係喺條街到倒瀉。」

惟店員堅持不重新做一杯,遭男客人掟飲管,「佢仲要拎支飲管掉我,係咁話:你邊X個阿頭啊?」男客人的老婆就開口指起碼要給他們一杯水,但仍遭拒絕。兩人就開始斥責店員態度差,「你咩態度啊,你咁樣唔得㗎喎」投稿人表示,店員其後只顧工作,不理睬兩人,兩人才肯離開。投稿人直指兩名野蠻客人厚臉皮,「你倒瀉你嘅事,關喺邊度倒瀉咩事」。他強調,「依加唔係邊度倒瀉嘅問題,而係邊個倒瀉嘅問題囉,仲要搞到我哋做多咗野」

網民紛紛留言鬧爆兩名野蠻客人的行為,有人就話店員不是奉旨要賠一杯給客人,「自己倒瀉咗,賠俾你係人情,唔賠係道理」,有人就指「好在你無啲上級係度話出過杯畀佢算」。