到底寵物是生命還是商品。貓貓狗狗保護及領養區(香港)圖片
到底寵物是生命還是商品。貓貓狗狗保護及領養區(香港)圖片

到底寵物是生命、玩具還是只是一件商品,不同人可能有不同解讀。有網民KoBe Wong在Facebook「貓貓狗狗保護及領養區(香港)」 上載一張相信是寵物店的照片,牆壁張貼「歲晚清狗半價起」 的標語。網民不滿商家將狗當作貨物,批評「當啲狗係乜?」。

不少愛護動物網民留言,慨嘆「其實好明顯佢係當狗係貨品,黑商唔講錢唔通講心咩。可憐天下寵物店入面狗狗」。也有人擔心,有人見平價就當作買衫一樣買回家,之後玩厭了就丟棄,「清貨?當生命係時裝啊?」。

有人覺得無大問題,「其實唔關個標語事,寵物店嘅商品不嬲都係寵物」。也有人認為商家怎樣看待不重要,「其實冇所謂嘅,人地當佢係貨,帶番屋企嘅主人當佢係寶咪得」。有網民留言,「9年前我隻仔都係因為寵物店門口貼住清貨,我用1500蚊帶咗佢返屋企,佢當時5個月大賣唔出,雖然佢好平但係好生性好乖仔」