何遠東與鄭嘉穎、周秀娜齊為新片宣傳。
何遠東與鄭嘉穎、周秀娜齊為新片宣傳。

鄭嘉穎、周秀娜、何遠東等出席電影《葉問外傳:張天志》宣傳活動,戲中被嘉穎掌摑的娜姐,在活動上轉換角色打回嘉穎,場面搞笑。
對於戲中跟隨反派黑社會大佬的嘉穎,何遠東笑言跟得過,更經常推他出去,令他增加曝光率,又大讚跟嘉穎合作學到做好人,因為反面教材,而且任何事也親身上陣。

嘉穎大爆原本何遠東戲中強暴兼殺死娜姐,但最終由他殺死女方,又笑謂經常會問何遠東會如何演繹這場強暴戲?但發現對方無論如何演繹都好可愛。快將為人父的嘉穎,談到可會減少演奸角時,他笑言不會,反而可作為反面教材,相信孩子細細個會知道爸爸做演員。今個聖誕節,嘉穎將與胡定欣、郭晉安到美國登台,但有問過太太可要禮物。他說:「有問過呢件事,佢話唔係講過互免咩?都唔知佢係咪『棟』我!不過我仲有少少時間可以再諗下。」

娜姐笑言可以打返嘉穎,感覺好爽,又解釋原本戲中由何遠東姦殺,不過最終改為被嘉穎殺死,並不是她不願意。她說:「大家覺得如果何遠東整死我,感覺唔夠衰,同埋嘉穎的角色比阿東輩份大,所以我死了,張晉的角色為了我去報仇。」(攝影:鄺芷瑩)