伍允龍在無綫劇《兄弟》與朱晨麗(朱朱)飾演一對,劇中伍允龍會向朱朱求婚,二人在倫敦名勝景點倫敦塔橋拍婚照,雖只是道具照片,二人絕不馬虎,跳高加一字馬「惡鬥」,創造「潮爆婚照」。朱朱笑謂:「好多動作甫士都係我哋自己創造,佢展武功,我展舞功。佢有咁好嘅拍檔,即係我,先至會有咁嘅畫面啦!」
現實中,朱朱難掩對披婚紗的憧憬,她坦言:「我有諗係咪要去歐洲,搵最浪漫地方影(婚紗)相。」至於劇中王浩信及楊明的感情線會否一樣修成正果,朱朱笑謂:「唔可以劇透,我只講我哋應該係最Sweet嗰Pair,進展得比較快。」