Sammi同阿葛上節目撐伊健,令22年前回憶湧現,Sammi更搞笑揸伊健大髀。
Sammi同阿葛上節目撐伊健,令22年前回憶湧現,Sammi更搞笑揸伊健大髀。

鄭伊健為明年2月紅館開個唱,最近接受商台《叱咤樂壇》節目專訪,獲鄭秀文(Sammi)、葛民輝、陳小春、黎姿上節目撐場。今日(10日)播出第一集,由Sammi和阿葛打頭陣,3人於22年第一次合作電影《百分百感覺》,看到當年拍攝的電影海報,回憶湧現。Sammi說:「我記得當年喺赤柱影海報,攝影師叫我哋隨意擺甫士,好快就搞掂收工,真係快手到影咗都唔知。當年啱啱入行拍戲唔會諗咁多嘢,青蔥年少嘛,心態半玩半工作、兜售青春。」
伊健突然指住Sammi笑言要爆料,說:「有一次我哋喺天台拍戲,佢著住校服,突然講咗一句『我要曬太陽』,然後就瞓咗喺度曬太陽。當時我心諗『你好多雀斑喎,仲曬?』哈哈!」阿葛問他們誰出道做歌手先?伊健搶答: 「Sammi,當年佢參加完新秀去烏奚沙表演唱歌,我未做歌手,係『青少年大使』去做主持,喺台下見到佢唱歌有啲憂鬱,都幾靚喎!」Sammi表示當年伊健給她印象開朗、貪玩、充滿活動。
如今相識廿幾年,老友鬼鬼,無所不談,Sammi大膽提出「揸」伊健大髀,說:「傳說中鄭伊健條腿好粗,好似80年樹幹咁粗!」她用雙手箍住伊健大髀量度,說:「原來都唔係吖!」伊健解釋:「可能以前健身舉鐵!」
訪問期間又爆料,原來兩年前Sammi在機場巧遇伊健,言談間講到再合作拍電影,當時伊健拍心口負責寫劇本,找了阿葛商量,後來因為各有工作,計劃擱置,這次訪問撮合他們繼續計劃。問Sammi在伊健和阿葛之間揀戲中老公?她二話不說揀伊健。新電影計劃未開動,先講講明年2月伊健演唱會,阿葛提議3人再上合唱電影中比賽歌《問我》,還即場預演熱身,Sammi拿起結他邊彈邊唱,阿葛和伊健就拿著搖鼓和沙鎚跳舞,卻不斷走錯位,亂晒籠,笑到Sammi標眼水!3人還拿當年的電影海報拍照,Sammi問要否幫伊健摺埋其舊愛梁詠琪?伊健大方說:「唔使,好Open㗎!」至於演唱會門票明天(11日)早上10時開賣,首日不設售票處售票,可透過指定網站、流動應用程式和電話購票。