校長鬼馬癡墨扮家燕姐。
校長鬼馬癡墨扮家燕姐。

《薛家燕愛你無限60年演唱會2018》昨晚於紅館進行尾場演出,並吸引到陳敏之、徐小鳳、劉松仁、羅霖、邵音音、樂易玲等入場欣賞。嘉賓方面相當強勁,包括有張智霖(Chi Lam)、譚詠麟(校長)、草蜢、羅家良、陳寶珠、楊天經、鄭欣宜及七公主其中四位的陳寶珠、王愛明、馮素波、沈芝華等。張智霖以角色初哥哥的打扮出場,與家燕姐合唱《分分鐘需要你》。

家燕姐大爆Chi Lam好錫她,試過到馬來西亞登台,對方出錢請她吃價值6000多元的魚。她說:「我咁大個女都未食過咁滑的魚,仲滑過我啲肉。」Chi lam則謂今次以初哥哥身份出來,要送個擁抱給家燕姐。家燕說:「攬完有啲暈陀陀。」Chi Lam搞笑謂自己直情缺氧,又有嘢「銀」親。

家燕姐唱多首向天王線級歌手致敬歌曲後,她特意多謝小鳳姐。她說:「佢問我係咪有跳舞?但佢話唔跳舞,因為好索氣,但我好開心佢特登來支持,仲畀好多意見我。」最爆笑譚校長笑言從他口中叫得阿姐,嗌家燕姐好順口,在圈中壓得住個台廖廖可數,又謂在60年代睇黑白電視已經睇家燕姐,其後從袋中拎粒墨出來癡在額頭。他說:「呢粒墨如有神助,並唔係等閒之輩,今時今日如果能夠可以放射出黎好似激光,效果仲厲害!我粒墨就癡上去,你粒墨應該有根。」家燕姐笑言自己粒墨有毛。

Encore時,草蜢三子蔡一傑、蔡一智及蘇志威與家燕姐《忘情森巴舞》後,蔡一智笑話言覺得家燕姐似家人,因為弟弟蔡一傑額頭都有粒細墨,所以見到家燕姐好似家姐。最後家燕姐唱出《皆大歡喜》為個唱劃上句號。

修哥與家燕姐合唱。
修哥與家燕姐合唱。
校長指黑白電視年代已睇家燕姐。
校長指黑白電視年代已睇家燕姐。

撈家任嘉賓。
撈家任嘉賓。
張智霖與家燕姐情深攬攬。
張智霖與家燕姐情深攬攬。
張智霖。
張智霖。
家燕姐飛足全場活力十足。
家燕姐飛足全場活力十足。