Scarlett為圓父親(右圖)心願,終得杜汶澤(左圖)主動幫忙,尋回失散逾20年的表哥。
Scarlett為圓父親(右圖)心願,終得杜汶澤(左圖)主動幫忙,尋回失散逾20年的表哥。

尋人並不容易,要成功尋回失聯20年的親友更難,但藝人黃心美(Scarlett)在杜汶澤(阿澤)協助下,不用24小時,成功尋回失聯20多年的表哥,並已跟對方聯絡。Scarlett感動爆喊,並表示「衷心多謝你杜汶澤先生,尋晚(1日)出post到依家唔夠廿四個鐘幫咗我一個我無以回報嘅大忙。亦衷心感激每一位同我素未謀面仍然願意喺呢件事上幫我一把嘅人。」

Scarlett昨(2日)在facebook發文,題為「尋找表哥的故事」。她說與表哥失散20多年,她1將近70歲的父親一直都好想尋回對方,昨晚她與父親吃飯後,父親再重提事件,她於是在「有限嘅資料」下,在其facebook和ig story發帖。Scarlett的同事強尼看到帖文後,指杜汶澤當年亦就讀男拔,相信或能幫忙,但她基於跟阿澤不算十分熟,不敢麻煩對方幫手,「但係隔咗冇耐,阿澤竟然喺fb回覆我話幫我問緊,亦真係問到表哥嘅舊同學」,之後阿澤更找到表哥02年讀書時所用的E-mail。Scarlett憶述,「嗰刻我已經喊咗出嚟」。

不過,Scarlett後來發現該E-mail已不存在,阿澤得知後,即表示已「吹行晒雞」幫她搵表哥,結果到昨日傍晚,阿澤回覆Scarlett稱,已透過LinkedIn找到表哥,「接住我check番LinkedIn,真係搵到嘞!表哥嘅回覆令我流咗好多開心感動嘅眼涙。呢幾年我每次去拜姑姐都會叫佢保佑我幫daddy搵番表哥,依家終於搵到嘞。」

Scarlett衷心感激阿澤和所有素未謀面,但曾幫忙的大家,「I just can't thank you enough」。她又說,已經和表哥交換電話,「我保證以後唔會再同佢失去聯絡。真係令人感動!」

Scarlett直言感動爆喊,「衷心多謝你杜汶澤先生」。
Scarlett直言感動爆喊,「衷心多謝你杜汶澤先生」。
Scarlett與父親
Scarlett與父親