阿嬌努力減磅著婚紗。
阿嬌努力減磅著婚紗。

鍾欣潼(阿嬌)出席商場聖誕裝飾開幕禮,提到她身形比之前清減,下月將於香港舉行婚宴的她表示戒吃甜及鹽兼做運動減磅,已減去5、6磅,亦好想立下目標,稍後在網上跟大家分享減肥方法。她說:「件婚紗仲未試,但婚紗腰圍好細,我覺得之前試都無乜意思,因為肥試乜都唔好睇,所以想減肥後先試,我想比較勵志跟大家一起減肥。」

阿嬌直言目標減10磅以上,現時進度理想,每日減到1磅。問及老公賴弘國可會陪她減磅?阿嬌稱:「佢衰到呢!佢有健身習慣,我的起心肝話減肥,臨出門佢話好似今日好攰,我叫佢唔好打擊我。我好容易被打擊,因為我好懶,做運動成日好多藉口。」

今年過婚後首個聖誕節,阿嬌想清理聖誕樹上的裝飾,再重新佈置,她直言:「去年打算跟佢一起佈置聖誕樹,但佢搵個朋友嚟佈置,因為佢唔得閒,希望今年可以一齊佈置。不過未知會唔會返台灣,大家未傾。」問到籌備婚宴進度?阿嬌謂要再落實賓客名單,自己的朋友佔30多圍酒席,當中有小學及中學同學,男家的親朋亦會來香港參與婚宴。