江若琳、蕭潤邦跟足傳統進行過大禮儀式。
江若琳、蕭潤邦跟足傳統進行過大禮儀式。

江若琳(Elanne)與未婚夫蕭潤邦(Oscar)即將於12月23日結婚,今日二人進行過大禮儀式,Elanne收到乳豬、金豬牌、嫁女餅等。她說:「今次過大禮我哋盡量都跟足傳統,結果攰爆Oscar,每日有好多濕濕碎碎嘢準備,有時我會突然彈起,問佢買咗呢樣、嗰樣未?佢話我終於有一個新娘嘅狀態。」

跟足過大禮的傳統,準新郎Oscar在過程中不能出現,他自言只係負責做「柴可夫」及買必備物品。問到禮金金額?Oscar表示心意最重要,今日是第2次畀禮金,希望未來外父外母感受到十足誠意。他謂:「之前求婚嘅時候,好驚世伯伯母唔嫁個女畀我,所以一求完婚即刻畀禮金,到準備過大禮先知,原來禮金係應該今日先畀,世伯伯母話畀咗唔洗再畀,但係我堅持,我希望畀佢哋見到我嘅誠意,相信我一世都會對老婆、對佢哋好。」

林師傑、歐陽巧瑩(ig圖片)
林師傑、歐陽巧瑩(ig圖片)

另一對新人歐陽巧瑩及林師傑於下月23日拉埋天窗,也揀選了今日過大禮,林師傑找來好友楊潮凱、周志康幫手做苦力。歐陽巧瑩在社交平台甫出好友拎過大禮物品的照片,留言:「天氣咁好,最啱過大禮,順便做吓運動,多謝兩位大隻佬」。

(ig圖片)
(ig圖片)