男童在兩車之間衝出,恰巧對面行車線有車輛轉入,幸車Cam片主馬上響安,未有釀成意外。影片截圖
男童在兩車之間衝出,恰巧對面行車線有車輛轉入,幸車Cam片主馬上響安,未有釀成意外。影片截圖

過馬路應使用斑馬線,但有車Cam影片拍攝到,有男童疑在母親目擊下過馬路時,竟棄用途經的斑馬線,反而在兩車之間衝出,恰巧對面行車線有車輛轉入,幸車Cam片主馬上響安,圖阻止男童繼續向前,及示意對面轉彎司機,終未有釀成意外。片主提醒:「一次意外,足以致命」。不少網民形容片主「真係挽救一條小生命」,並怒斥男童母親,「有紅綠燈都唔教個仔行!」

有網民在facebook群組「香港突發事故報料區」上載車Cam影片,指是昨(28日)午於荃灣海濱花園拍攝。樓主稱,片中的媽媽指向對面後,男童即刻想跑過馬路。片中所見,男童身後正是斑馬線,但他沒有使用,反而在片主與前車之間衝出,剛巧一架私家車轉入怡康街,樓主相信「佢(司機)一定睇唔到個小朋友,我馬上響安,個小朋友嚇一嚇停咗又想衝,我又響多下想提對面車,好在個細路停咗一下慢左,對面車又唔快,所以無造成意外。」

樓主又在帖文呼籲,「希望大家帶小朋友出去,過馬路嗰陣好好照顧小朋友,一次意外,足以致命。」

不少網民看過影片後,都讚樓主做得好,「好彩有你呀,救人一命」,並直斥男童及其母親「累己累人」,「黐線㗎佢阿媽!有紅綠燈都唔教個仔行!遲早一鑊」、「等紅綠燈要幾耐時間?呢啲老母害死人」。另有網民留言指,男童母親事後似想責怪片主,質問「聽到響安,竟然唔係睇下發生咩事,望下個仔女咩位置」,亦有人替司機說好話「係香港揸車危機四伏。分分鐘坐監都唔知為乜」。