許志安跟聽障街舞導師Jason學習跳手語版歌曲《流淚行勝利道》,與一班同樣熱愛跳舞的聾人一起拍攝手語MV。拍攝當晚在各種因素影響下要不斷轉換拍攝場地,最終只能在一條暗黑兼爛地的後巷開機,拍攝第一個鏡頭便下雨。安仔說:「拍完呢個MV感覺好興奮、好感動,尤其係突然間落起大雨,好有feel,觀眾一定以為我哋好落本,book架水車搞人造雨,其實唔係,同埋剛才原本去球場拍,後來轉地方又俾人趕,直到嚟到呢條後巷,雖然周圍環境唔係太理想,但我哋真心嘅演繹,我相信大家會睇得到。」安仔希望這個手語版MV可以燃起大家永不言棄的精神,像跳舞導師Jason,用眼去睇拍子,一樣可以學到跳舞。

安仔感言:「今日用個口講嘅嘢好少,但內心感受特別大,另外仲學咗好多手語,除咗《流淚行勝利道》嘅歌詞,仲有自我介紹、打招呼、讚人靚仔靚女,其實共融就係咁,無論你身份係邊個、身體有咩狀況,大家都可以和平共處,無分你我。」