老公陸漢洋搞驚喜婚禮,令苟芸慧好感動。
老公陸漢洋搞驚喜婚禮,令苟芸慧好感動。

苟芸慧(苟姑娘)與陸漢洋(William)將於本周五在港擺酒,原來上月18日William已在加拿大舉辦神秘婚禮,給苟姑娘驚喜,又邀請了女方身處多倫多的家人和舊同學參加,場面溫馨。二人已註冊結婚,苟姑娘正式成為陸太。

因有長輩未能來港出席婚禮,故苟姑娘婚前回多倫多探望家人,怎料William順勢偷偷安排驚喜,知道苟姑娘想在古堡行禮的他,安排在多倫多唯一一個古堡內行禮。William找了苟姑娘爸爸、弟弟、契家姐和舊同學幫忙,製造驚喜旅程。

婚禮前半部分,苟姑娘好感動仍忍住不哭,當宣讀誓言,她終於流著淚說:「呢個係好溫馨嘅婚禮,其實我覺得佢之前已經古靈精怪,不過佢一向都係咁,所以冇理。婚禮舉行嘅朝早,原來佢將婚紗帶到嚟多倫多,我哋去咗影相,我仲以為只係去影結婚相,心諗呢個應該係佢畀我嘅驚喜,之後我哋去到婚禮現場,先知道原來真係一個婚禮。當見到啲接近十年冇見過嘅長輩、朋友專誠嚟出席,真係好開心,睇得出William真係花咗好多心機去籌備呢個婚禮。」

談到婚禮過程,苟姑娘最感動是老公在婚禮上獻唱《Nothing's gonna change my love for you》,讓她與爸爸跳舞,一邊跳一邊見到爸爸熱淚盈眶,覺得爸爸真的放心把女兒交到William手上。除了驚喜婚禮外,William亦花心思學跳舞,苟姑娘謂:「William唔識跳社交舞,之前特別為咗我一齊去學,仲刻意著皮鞋去練習。雖然佢跳起舞嚟好似機械人,但佢為我放低咗平時愛型嘅性格,好難唔感覺到佢嘅誠意。」

多倫多是苟姑娘成長的地方,William知道對方希望與當地的親友分享喜悅,他用盡方法尋找苟姑娘的中、小學同學,想令婚禮盡善盡美。舉行婚禮前剛遇上颱風「山竹」襲港,William安排了化妝師飛往加拿大,但遇上航班延誤,要先飛澳洲再飛多倫多,另一位兄弟亦趕及風後第一班機。他直言:「好感激上天嘅安排,我哋希望見到嘅朋友都能夠出席。」果然「打風都打唔甩」!