許志安與李健宏(KB)齊齊出海滑水,鬼馬的KB試過Cosplay戰隊、外賣仔造型滑水,今次遇著安仔又有新玩意,七情上面咪嘴唱梅艷芳同安仔的經典金曲《將冰山劈開》。安仔邊滑水邊咪嘴唱歌,成個樣Chok爆,最後面帶笑容跌落海。

KB開心留言:「仲玩抖音? 點會估得到可以同最貼地歌手安仔合唱呢首經典,同埋點會估得到佢會陪我癲!許志安我愛你!」網民都激讚片段搞笑、玩味十足。