《BB來了》收視強勁,眾演員開心慶祝。
《BB來了》收視強勁,眾演員開心慶祝。

無綫劇集《BB來了》收視強勁,首集7天跨平台總收視是29.3點,上周四12號播出第4集更有30.2點收視,勢破千萬重頭劇《宮心計2之深宮計》的紀錄。

黎諾懿跟高海寧(高Ling)對《BB》收視報捷感高興,黎諾懿更有信心收視成功超越《宮心計2》,他笑說:「李佳芯仲未開始宣傳就有這麼好成績,等她返來一定會再升。」談到有指李佳芯(Ali)買樓結婚,黎諾懿回應:「唔知道喎,買樓都好正常,佢賺咁多。不過以Ali性格,結婚會通知大家。(如何答謝觀眾?)Ali唱歌,我用國語Rap囉!」

此外,高Ling拍攝新劇《C9特工》時弄傷頸及腳踝,日前終於有時間睇跌打治理。她稱:「之前腫到豬蹄咁,今日終於見到腳眼。後悔無學啲功夫底子先拍,龍虎武師已經好努力保護我哋,但仍然好易受傷。」另外,同場的黃長興自言40歲是新開始,因此找師傅改名為黃致豪,日前拿了新身份證,覺得可跟大家分享。

高Ling、黎諾懿
高Ling、黎諾懿