藝人田蕊妮(阿田)演技好就係人都知,但原來她連唱歌都掂㗎,8月更會在馬來西亞開演唱會添!為了在下月的演唱會中以最佳狀態示人,阿田近日好積極咁做gym,希望向觀眾展現最美好一面。近日她在社交網上載了一段做gym嘅短片,片中她捉住吊環玩引體上升,大晒強勁臂力及耐力,更不經意露出小蠻腰。她留言話:「呀……爽呀!#mydailylife」似乎一啲都唔覺得辛苦,仲好享受咁喎!網友留言話阿田好厲害,更讚她:「堅持的女人最美!」