藝人袁詠儀(靚靚)一向都對囝囝張慕童(魔童)愛護有加,他們兩母子的關係亦非常好。近日靚靚就在社交網甫咗一張兩母子的溫馨合照,相中魔童倚在靚靚的肩膀上,畫面非常sweet!不過坐在他們旁邊的張智霖就似乎好唔抵得他們咁溫馨,所以夾硬將半邊面擠入畫面中;而靚靚就疑似好不滿咁留言話:「有人亂入」。有網友笑張智霖「強行入境」,更提議將佢個樣打格仔,非常搞笑;亦有人話魔童仲會嗲媽媽實在太好啦!