祖兒同張敬軒合唱,鬥rap英文冇難度。
祖兒同張敬軒合唱,鬥rap英文冇難度。

容祖兒與同門「閨蜜」張敬軒去年一齊開騷、上個月軒仔開紅館演唱會亦搵祖兒做頭場嘉賓、又齊齊去日本旅行。最近二人終於推出合唱歌《Make a Beat》及拍廣告。造型方面,軒仔一身Dandy Style,貴氣之餘玩味十足;祖兒就一貫型格Dancing Queen。

首次出合唱歌,祖兒話等了好耐,「等到我呢幾年都好攰啦,今次合唱同我哋平時喺騷上面合唱嘅歌唔同,之前我哋可能都係唱情歌為主,今次係R&B曲風主導,當中有一小部份係需要英文rap,係一個幾新嘅嘗試。」

至於軒仔就負責歌曲大部份英文rap,笑說:「以後叫我MC Hins吖唔該。第一次要rap咁多,所以一收到歌後都下過一番苦功,咬字同節奏要配合得好好。其實同事們都未聽過我rap,首歌出咗之後,佢哋問我係咪外語歌,『咁多英文嘅?』突然之間覺得自己變咗一個西人。」