康華打算送金豬賀好友韋家雄結婚。
康華打算送金豬賀好友韋家雄結婚。

康華現身商台為無綫劇《宮心計2深宮計》宣傳,談到該劇在內地網的播放量突破30億,她稱是意料之外,大讚拍得靚又好睇。對於戲中與韋家雄的感情戲獲不少人讚賞,她笑指跟對方拍檔演戲好慘,因為成場喊戲不停笑,更忍不住將鼻涕扔去對方面上。

問到可會再拍續集?康華說:「我諗監製梅小青會諗,但她依然籌備緊套時裝劇,若然原班人馬我願意拍。」談到好友韋家雄將於10月結婚,她將會做「兄弟」,康華笑指當對方是姊妹,但對方當她是兄弟,早前亦跟家雄及其未婚妻吃飯,還打算買金豬給對方,但對方話唔好,不過她有親力親力為幫手搵贊助商,如酒席及戒指等。

記者笑指她落力為韋家雄好,對方可有為她?康華笑謂:「忘恩負義,通常啲仔係咁。我都叫佢好好對人,佢未婚妻好後生又靚女,而且好sweet。」單身的她談到感情事,表示順其自然,指韋家雄無介紹,現時主力照顧父母,已經安排爸爸做手術的時間。