梁麗翹為老公誕下囡囡Nanette。
梁麗翹為老公誕下囡囡Nanette。

《東張西望》主持梁麗翹(Nicole)上年初與拍拖僅兩個月、做金融投資生意的圈外男友Nic在美國閃婚,婚後火速造人,上月更升呢做媽咪,為老公誕下囡囡Nanette。Nicole的一班圈中好友莊思敏(Jacquelin)、莊思明、陳庭欣、彭慧中等近日就上咗Nicole屋企探望好友兼玩B,Jacquelin更在社交網上載了多張探B時影的靚相,與網友開心Share!Jacquelin留言話:「放假探BB。」看到Jacquelin抱著Nanette影相時流露的笑容,啲母愛真係出晒嚟,唔知嘅話可能會以為她們是兩母女!Jacquelin亦有攬住另一個小朋友影相,見她作狀錫小朋友又笑到見牙唔見眼咁,睇嚟她真係好鍾意小朋友咁喎,網友都讚她好似潮媽咁款,更叫她快啲生番個添!

母愛出晒嚟!
母愛出晒嚟!
睇嚟Jacquelin好鍾意小朋友咁喎。
睇嚟Jacquelin好鍾意小朋友咁喎。

作狀錫錫。
作狀錫錫。
網友讚Jacquelin似潮媽。
網友讚Jacquelin似潮媽。