快餐店宣傳貼文稱,「#美斯都用到呢個優惠」。網上/AP圖片
快餐店宣傳貼文稱,「#美斯都用到呢個優惠」。網上/AP圖片

世界盃D組次輪賽事,克羅地亞意外以3:0擊敗強隊阿根廷,阿根廷以1和1負得1分,爭取出線有危機,結果震撼足球界及大批網民。一間日式連鎖牛肉飯快餐店的Facebook專頁則趁機「抽水」,推出下午茶套餐減3元優惠,卻引發爭議,有人讚好有創意,但也有人表達不滿。

貼文指,「尋晚世界盃阿根廷慘吞克羅地亞三隻溫泉玉子,但齋食玉子真係會有啲齋,可以考慮吓食埋牛肉飯喎!」並宣傳其世界盃優惠,「只要你嘅英文姓名有WORLD CUP其中2個字母」,在下午茶時段惠顧套餐可以減3元。

文末笑言「#美斯都用到呢個優惠」,更標註了阿根廷國家隊球星美斯的專頁。專頁管理員回應留言更稱,「食玉子食飽喇,希望佢下場可請返對面食啦!」。

雖然減3蚊對普遍一般食客有吸引力,有網民受落指,「三粒溫泉玉子笑死lol」, 「一定要幫襯,抽美斯抽得好」。

但部分球迷及網民批評,快餐店利用阿根廷的挫敗開玩笑太過火,有網民批評 「#出稿前先睇睇......#抽水快係好不過要抽得準」;「其實球員要付出好多年努力先有今日成就,因為輸波就要被人抽水,人身攻擊,甚至欺凌,你哋要三思而行」;「將自己的快樂建築在人地痛苦上的宣傳手法,無良心的公司」。有網民更聲言杯葛涉事快餐店。

連鎖快餐店facebook貼文利用阿根廷球員美斯宣傳惹爭議。網上圖片
連鎖快餐店facebook貼文利用阿根廷球員美斯宣傳惹爭議。網上圖片
連鎖快餐店facebook貼文利用阿根廷球員美斯宣傳惹爭議。網上圖片
連鎖快餐店facebook貼文利用阿根廷球員美斯宣傳惹爭議。網上圖片

阿根廷國家隊球星美斯對連失3球相當失望。AP圖片
阿根廷國家隊球星美斯對連失3球相當失望。AP圖片