膠猜到底點猜?
膠猜到底點猜?

無綫劇集《宮心計2深宮計》播放以來一直爆紅,雖然都有負評話押韻太多,不過劇集正評都係大多數,早前麥玲玲的古裝look就好有話題!至於另一焦點,就係首次挑戰廣東話古裝劇主角心悠BB,雖然廣東話講唔正,但憑住靚樣擄獲唔少觀眾同網民歡心,最近網上仲熱傳一條剪輯影片,惡接心悠BB嘅對白,大批網民大笑「唔知佢講乜」,不過都讚「佢講得好得意呀雖然真係聽唔明」。


心悠BB係《深宮計》成功彈出,網民幾乎對佢都一致好評,「JC後製」上載了一條「劉心悠廣東話誠實字幕版」影片,配上字幕都唔知心悠BB講乜,不過好多觀眾都憐香惜玉,紛紛留言「佢盡左力」、「好靚女,成套劇至靚❤️」、「佢好叻, 廣東話要講得正, 係好困難的, 像我地講廣東話同英文都好難講得標準.」、「其實我覺得好得意」、「ok喇!你如果唔係講開煲冬瓜,一樣笑料百出」、「其實最鍾意係「膠搓」..配埋佢嗰刻嘅身體語言...應該係一種新嘅枚」、「見到佢咁靚,其實佢講乜嘢都無所謂啦」。

心悠BB嘅浴照,好多人都話佢正。
心悠BB嘅浴照,好多人都話佢正。

不過到底條片嘅真實內容講乜?有觀眾就做心悠BB對白人肉翻譯機,「凍撻可以再搭」原來係講緊「檔攤可以再搭」,#%就話呃你十連百連」係「媒人婆就話呃你十年百年」。其餘到底講緊乜?各位要自行參透。
心悠BB其實好努力,係拍之前劉心悠已經話,首次為無線拍劇而且古裝劇心情好複雜,緊張又興奮,由於係廣東話劇集,希望觀眾能明白她所講的每個字,同劇有好多資深演員,她就話「他們講對白出來都好順口,但怕自己講得好哽耳,希望觀眾睇完唔好有太多問號,可能自己睇睇下會唔見咗人會逃走。」

大家都話唔介意佢廣東話唔正,仲話佢好得意。
大家都話唔介意佢廣東話唔正,仲話佢好得意。
睇嚟心悠BB今次真係入晒屋。
睇嚟心悠BB今次真係入晒屋。