蘇永康對於偶像西城秀樹離世,坦言在對方第二次中風後已有心理準備,但仍然不願接受這事實。康仔表示當年西城來香港玩,梅艷芳帶對方去蒲,專誠叫他一起。他說:「佢第一次喺伊利沙伯體育館開騷,我省下幾星期零用錢買咗張$150第一行嘅飛,當年仲未有新秀歌唱大賽,因為梅姐個樣好認,之後到梅姐參賽嘅時候我仲認得佢係西城嘅歌迷…我第一段婚姻失敗嘅時候仲係住喺淺水灣,梅姐試過半夜入嚟同我傾偈,嗰時我哋都仲係聽緊西城啲歌。」 康仔盛讚偶像聲色藝俱全,打鼓叻又自創表演風格,當代很多歌手都受其影響,但從網上片段看到對方第二次中風後的情況,他不無唏噓說:「佢以前唱歌好生猛,但中風後口齒不清,靠仔女精神支撐住。」他又謂跟對方只有一面之緣,梅姐還叫他在偶像面前獻唱《Careless Whisper》,唱完後獲偶像贈一支煙,但他不吸煙,原想留下這支煙,但給一個朋友拿去吸了。他感歎謂生命很脆弱,很多事不在掌握中,大家都要活在當下,並謂:「永遠懷念我偶像西城秀樹。」