唐詩詠本月3日37歲生日,獲圈中好友密密約食生日飯,當然唔少得《鐵馬尋橋》的好哥哥們,有鄭嘉穎、馬國明、黃嘉樂及林子善陪慶生。
唐詩詠在社交平台上載短片,見各位阿哥向她獻吻,她亦開心得O晒嘴,並留言稱難得鄭嘉穎陪大家一齊癲。林子善亦有分享短片,寫道:「同妹妹慶祝點會小咗一班阿哥呢!#鐵馬兄弟」。