新五虎在古巨基紅館騷合體,更重演當年舊合照。
新五虎在古巨基紅館騷合體,更重演當年舊合照。

古巨基一連5場的紅館騷,昨晚已去到第4場,並請來過去在TVB的好拍檔新五虎做嘉賓。古天樂、吳家樂、劉愷威,何遠恆齊齊上台,先與基仔一起合唱《當年情》,繼而合體重影當年舊照片,期間4人還大跳古仔曾經最hit的拜神舞《今期流行》,爆笑全場!
基仔於嘉賓環節向大家介紹,說:「今日好難得,上次約得4個差1個,今日幾經辛苦搵齊5個。」然後四虎徐徐升上台,觀眾隨即歡呼不絕。古仔上台後就叫班兄弟企前少少,說:「呢個係案發(墮台)現場位,大家係咪企前少少安全啲。」基仔就即謂:「案發現場就係企前呢個位啦,反而係企番後少少安全。」古仔望著基仔道:「哈!你都好嘢,咁都冇事!堅挺即係堅挺!」基仔笑著回應: 「我巨肌嚟吖嘛!」古仔說:「哦,你就係落台個下靠條巨肌撐撐所以冇事呀!」基仔答:「係呀,我動L咁彈返轉頭,哈哈哈…。」吳家樂亦搭嘴 : 「唔怪得Lorraine跟你咁多年啦!」連翻有味互窒令觀眾笑聲不斷。接著播出五虎當年的舊合照,基仔叫工作人員拿道具上台,要與五虎重影一張一模一樣合照留念。