基仔跌下一刻,躺臥台下的他即場由救護員檢查,站起後他不停重複可以繼續唱。
基仔跌下一刻,躺臥台下的他即場由救護員檢查,站起後他不停重複可以繼續唱。

古巨基一連5場紅館騷昨晚進入第二場,開場不久就發生意外,幸好最後無大礙,專業精神爆燈的他,15分鐘後馬上升回舞台上,向觀眾報平安,並且忍著傷患,繼續努力完成整晚演唱會。 開場時基仔坐「時光機」出場空降紅館,唱完第一首歌《爆了》之後,他開心邊行邊講:「有7年冇返紅館,畀啲聲我聽下!」但講完這句話之後,他就在觀眾歡呼聲中,失去重心跌落台中間本來準備降架飛機的升降台機關之中,全場觀眾被嚇呆。一班來棒場的基仔圈中友好,更是嚇驚得面色大變,蔡卓妍(阿Sa)及容祖兒第一時間衝去後台了解情況。 意外發生後,基仔倒臥於台底地上,工作人員馬上火速移開降下來的大型道具飛機,聖約翰救傷隊人員到台底為基仔檢查。一直倒臥台底的他,被通知先不要急著起來,等救護人員指引,救護員為他檢查過手手腳腳都沒大礙後,基仔才獲准慢慢企起身,期間專業精神及責任心極重的基仔,完全沒理會自己傷勢,有人提議停止演出,馬上Call白車到醫院檢查,但基仔只是不停輕聲重複,說:「我覺得我可以繼續唱;我想要繼續唱。」 於是由舞台消失了15分鐘的基仔,再緩緩升上台,他用手捽一捽後腦,堅強地笑住跟觀眾說:「冇問題,係我錯,係我唔知道唔記得咗時光機個位,冇問題,多謝你哋願意喺度等返我上嚟,我好想繼續落去 ,我盡力繼續落去,冇事,大家不用緊張,不用擔心。冇事,上天會保祐我,冇事。我行到係咪?講到邊到,我由頭來過啦。」 講到「7年冇聽紅館聲音!」,觀眾歡呼聲隨即四起,基仔好感動,說:「我會用最大努力演出,回報大家。暫時講咁多先,唱《必殺技》!」唱畢後他無懼陰影仍在台上踱步。 其後基仔回到後台,如常更換舞衣,唱《歡樂今宵》時仲識講笑,說:「把聲仲靚咗!」又在台上說:「係背脊落地,唔係個頭,大家唔好擔心!不過一陣如果換衫位耐啲,跳舞硬啲,大家體諒下。」由於基仔的父母都有在場,所以基仔特別在台上報平安,向雙親表示:「阿爸阿媽我冇事,唔使擔心!」