騎駱駝拍戲。
騎駱駝拍戲。

胡定欣、姚子羚、張振朗、曹永廉等演員,近日身處新疆趕拍無綫新劇《包青天再起風雲》。雖然離港多時,但向來親民的定欣都有定時在社交網更新一下自己的近況。最近定欣在社交網甫了新相,相中的她又要騎駱駝又要行沙漠,更因當地好大沙塵,所以她要用黑紗包頭。她留言話要拍一場同公孫策滾地沙的戲,更講笑咁留言話:「今次真係變沙翁」!

雖然拍攝過程艱辛,不過定欣似乎好享受拍攝過程。定欣話:「今朝嚟到仲覺得好開心,因為人生第一次嚟到沙漠,覺得好靚,但拍咗無幾耐,就開始收太陽起風沙,我都豁出去,碌沙,瞓地,感受一下呢個環境,風沙兜口兜面吹埋嚟都唔理,點知愈來愈大風,仲要今日係拍感情戲,要喊,我仲諗,乾到咁,大風到咁,眼都擘唔開,點喊。最後…又喊得出喎…嘻嘻,點都好,今日真係有所體驗,呢刻嘅我,喺被沙包住,我要返去沖涼﹗」又乾又大風都喊得出,視后即係視后,佩服!

因當地好大沙塵,所以定欣要用黑紗包頭。
因當地好大沙塵,所以定欣要用黑紗包頭。

今次是定欣第一次嚟到沙漠。
今次是定欣第一次嚟到沙漠。