古天樂認為新導演更加需要經驗。
古天樂認為新導演更加需要經驗。

古天樂、惠英紅與杜琪峯導演現身《鮮浪潮.語2018》記者會,從影25年的古天樂成功封金像影帝,被問食了多少次慶功飯?古仔說:「未慶祝過,日日都要開工,好忙,聽日仲要飛上海做宣傳。」 談到「鮮浪潮」,古仔希望此活動為電影圈帶來更多新導演,說:「雖然呢個活動政府有支持,但其實新導演更加需要經驗、做好本份,有時錢多錢少唔重要,因為好多問題要實際面對過先知。」古仔坦言未跟新導演合作過,因為他片酬太貴嚇走他們嗎?他說:「好電影係應該唔計較片酬,知道新導演拍戲成本唔高,如果有人搵我會配合。」可有興趣做導演?古仔說:「暫時應該唔會,除非唔做演,因為做導演要好專心,要放下演員工作先會做。」 惠英紅則認為新導演質量很高,亦很開心他們得到支持。她透露曾當過副導演等幕後工作,但做導演她相信不會了,「我都係鐘意做演員,因為做導演壓力好大,唔Enjoy。」(攝影:譚志光)

古天樂同惠英紅都冇想做導演。
古天樂同惠英紅都冇想做導演。

惠英紅與杜琪峯
惠英紅與杜琪峯