Ronald有份角逐影帝,卻自言是古仔打氣團隊。
Ronald有份角逐影帝,卻自言是古仔打氣團隊。

今年香港電影金像獎主題為「金像同行 關懷罕病」,由古天樂擔第一屆「金像同行」大使,古仔和爾冬陞導演携罕見病患者等一同入場踏上紅地氈。入圍角逐影帝的古仔以黑色西裝襯白色煲呔,他表示純粹好看並沒特別意思,亦無吉祥物。談到罕見病患兒童有些病例無藥可醫,古仔擔任大使希望呼籲大眾關懷他們,由於有些藥物昂貴,望幫忙籌款,他看過病患家庭的計劃書,正在研究演藝人協會搞籌款活動。
古仔憑《殺破狼.貪狼》被視為今屆香港電影金像獎影帝大熱人選,問到心情緊張否?古仔說:「以為(頒獎禮)前一晚會好緊張,但估唔到喺屋企睇睇吓戲竟然瞓著咗,今早10點就起身開工。」古仔坦言有寫過得獎講辭,不過有獎再算,到時想講甚麼就講。他謂父母沒到場,寧願他們安坐家中看電視,否則要好好照顧他們。
鄭伊健、陳小春、錢嘉樂、謝天華和林曉峰以「古惑仔」團隊走上紅地氈,他們負責頒發最佳新演員獎。被問到有何期待?嘉樂謂主要來看喜歡的人攞獎,更謂:「今年黑黑地嘅人旺旺地,但唔係塊面黑。」
早前在泰國拍戲跳海受傷的鄭中基(Ronald)撐住拐仗,由老婆余思敏挽住行紅地氈,被讚撐拐使更有氣勢可拍《追龍》。憑《大樂師.為愛配樂》角逐影帝的Ronald一點也不緊張,說:「我係古仔(古天樂)團隊,我嚟幫佢打氣。」(攝影:李樹勳)

古仔跟罕見病患者等一同行紅地氈。
古仔跟罕見病患者等一同行紅地氈。

古惑仔團隊都話黑黑地的人旺旺地。
古惑仔團隊都話黑黑地的人旺旺地。