《第37屆香港電影金像奬頒奬典禮》今晚盛大舉行,擔任司儀的蔡卓妍(阿Sa)繑實拍檔張繼聰行紅地氈,身穿黃白配裙裝阿Sa戴上閃爆鑽飾優雅出場,張繼聰西裝骨骨亦相當有型。

紅地氈主持卓韻芝爆阿Sa昨日綵排時呻緊張,問阿Sa是否已背熟稿?阿Sa緊張道:「其實最驚講人名,平時成日睇到大家,好熟,不過一大班人出現就唔知點解叫唔出名,好驚嗌錯。」不過,她說不怕張繼聰爆肚,因二人早前合作拍劇已建立默契。問阿Sa有否信心拎紅地氈最佳衣著獎?她稱沒有心思顧及衣著,交給服裝師處理,她要專心背稿。