俗語說「跟車太貼,易生意外」,其實踩單車都一樣。網上流傳影片,一名單車男沿港島石澳道雙程路行駛期間,疑跟車太貼,撞向前面的保時捷私家車後,被撞至對面線。幸他數秒後已可站起身,前方私家車私機亦示意對面線的小巴收慢,避免迎頭撞向單車男。網民都直指單車男好運,「救咗佢啦!如果唔係俾佢過左分分鐘冇咗條命。」 有網民上周六(24日)將其車輛拍攝到的車Cam片段上載至facebook群組「馬路的事討論區」。片中所見,單車男在石澳道一段雙線雙程的道路行駛時,撞向前方的保時捷車尾後,飛彈至對面線,橫卧路中。但他似乎沒有大礙,約8秒後能自行站起身。期間,在保時捷前方的私家車司機疑目擊意外,於是不斷向對面線的紅色小巴司機揮手,示意對方減速,避免撞倒單車另,再次發生車禍意外。 片主在帖文中形容,單車男完全無意收慢車速「一路爆住去,好彩對面線冇車,前面架車應該花左,不過最緊要人冇事,如果對面有司機停唔切真係害死個司機」。他認為「其實呢條路咁危險,真係唔應該踩單車」。 不少網民留言,均指責單車男跟車太貼,「單車唔洗安全距離?」、「以為自己揸緊電單車,有乜法子唔X炒吖,仲企得起身算係萬幸啦!」、「踩車唔係問題,問題是46(私家車)這些地方都收晒油你都仲衝,呢啲真係抵死」、「無事你就賠錢了事。對頭車收唔到,你賠命啦!」