黃子華在面書上載短片呼籲政府幫手杜絕黃牛外,亦希望粉絲、觀眾勿買黃牛飛,「唔緊要嘅,我開騷一大堆位空晒佢,最前嗰啲空晒,如果我見到好多場都係咁,即係證明好多人冇買黃牛喎,再做多一兩場補償觀眾,不過都係有黃牛,法例唔改變就杜絕唔到。」 子華又宣佈4月24日正式在城市電腦售票網公開發售棟篤笑騷門票,原本只開17場騷的他更講明會賣逾20場門票,「我唔休息,當我想賺多啲錢又好點都好,總之搏命做,應該係有唔少嘅飛,希望盡量滿足觀眾。現實中點都有人買唔到飛,希望朋友們體諒。」他再宣佈公售每人限買4張飛,「希望杜絕到黃牛,亦都可以有更加多人睇到。」