Chilam唔認3人同台好尷尬,更謂是有人別有用心。
Chilam唔認3人同台好尷尬,更謂是有人別有用心。

吳鎮宇、古天樂、張智霖(Chilam)與太太袁詠儀(靚靚)、佘詩曼、張達明等出席電影《洩密者》和《家和萬事驚》的發佈會,眾人在台上影大合照時,曾與Chilam傳緋聞的佘詩曼,跟靚靚在台上狹路相逢,二人未有眼神交流,夾在中間的Chilam明顯站姿僵硬,祝酒後阿佘則主動和靚靚碰杯,對方亦回以微笑。 事後問到阿佘是否因傳過緋聞而覺得尷尬?阿佘否認,並指是傳聞而已;Chilam就指是有人別有用心,他們曾在一些派對上同場,亦有互相打招呼。問Chilam是否因站在老婆身旁而硬晒?他笑說:「唔通軟晒咩?似軟皮蛇咩?其實我剛才都企錯位,因為台上有貼名,我看到張就以為是自己。」阿佘即笑他有老花。 靚靚則認為老公站在她旁邊硬晒很正常,說:「有乜咁出奇,唔係企在我隔離硬,企邊個隔離硬?(他旁邊有阿佘?)都熟。(有幾熟?)又不是太熟,但有在公開場合見過,去探班時都會見到,有打招呼,這是禮儀。(覺得尷尬?)點解要尷尬,我和好多人都傳緋聞,他又有唔少緋聞,咁我咪好唔得閒,我是大人,唔會咁小朋友,無話尷不尷尬。(對方覺得尷尬?)不要再講這個話題了,偏離晒。」(攝影:鄧國良)

吳鎮宇、佘詩曼、張智霖一齊受訪。
吳鎮宇、佘詩曼、張智霖一齊受訪。
靚靚都撐老公:企我隔離硬有乜咁出奇?
靚靚都撐老公:企我隔離硬有乜咁出奇?